வொல்கா நதி பற்றிய தகவல்கள்

 ஐரோப்பா கண்டத்தின் மிக நீளமான நதியாக இருப்பது வொல்கா நதி ஆகும். இது ரஸ்சியா நாட்டில் அமைந்துள்ளது. இந்த வொல்கா நதி மத்திய ரஸ்சியா , தெற்கு ரஸ்சியா போன்ற இடங்களின் ஊடாக சென்று காஸ்பியன் கடலில் சங்கமிக்கின்றது. இதன் நீளம் 3531 கிலோமீட்டர்கள் ஆகும். இது கடல் மட்டத்திலிருந்து 228 மீட்டர் உயரத்தில் காணப்படுகின்றது. இந்த நதியானது வால்டை மலையில் இருந்து உற்பத்தியாகி காஸ்பியன் கடலில் சங்கமிக்கின்றது.

இதன்  வடிநில பரப்பளவு 1.36 மில்லியன் சதுரகிலோமீட்டர்கள் ஆகும். வொல்கா நதி ஆனது ஐரோப்பாவின் நாகரிகத்தில் முக்கிய பங்கினை வகிக்கின்றது. இதனை அடிப்படையாக கொண்டு அதிகளவிலான மக்கள் வாழ்கின்றனர். உலகின் 18வது நீளம் கூடிய நதியாக வொல்கா நதி காணப்படுகின்றது. இந்த நதியானது செக்கனுக்கு 8060 கியூபிக் மீட்டர் நீரினை வெளியேற்றுகின்றது. வொல்கா நதி ஆனது அதிகளவிலான உயிர்ப்பல்வகைமை தன்மையினை கொண்டுள்ளது. குறிப்பாக இந்த நதியில் 430 வகையான தாவரங்கள், 127 வகையான மீனினங்கள், 260 வகையான பறவைகள், 850 வகையான நீரியல் உயிரினங்கள் போன்றன வாழ்கின்றன.